Şarkı Sözleri: Hiss, Rafo, Elçin Cəfərov - Sınıq Pəncərə

 Şarkı Sözleri: Hiss, Rafo, Elçin Cəfərov - Sınıq Pəncərə

Bu dünya həqiqətən 3 günlük

Baş verir hər şey bir göz qırpımında

İnsan müvəqqəti köçkündür

Doğulursan yaşayırsan və çırpınırsan 

Mən bilirəm bu dünyanın qaydasını

Amma pozdum o qaydaları əvvəldən

Gördüm hər şeyin ən zirvəsini

İndi də baxıram sizə göylərdən 

Məndən nigaran qalmayın yaxşıyam

Yaşadım bu həyatı dolu dolu

Etdiyim heç nədən inanın peşman deyiləm

Güləndə keçir dərdiniz buna əmin olun 

Unudulunca insanlar ölər bilin

O zaman köçüb gedirlər onlar aranızdan

Xatirələr nə qədər ki yaşadar məni

Yaşayacam aranızda

Bu dünya həqiqətən qəribədi

Gəl indi mürəkkəbin ortasında adi qal

Gedincə saxlamışam özümdən bir xatirə

Qalsın bir ömürlük məndən sizə yadigar 

Yazıram bu məktubu o dünyadan

Yazıram oxuyun siz onu şən hisslərlə

Bilin ki rahatam yenə ən sevdiklərimi

Əmanət eləyib getmişəm əzizlərimə 

Bu ömrü ən gözəl yaşadım hər an

Hər qəlbdə faydalı bir iş qoyub getdim

Düşünərkən məni üzülməyin heç vaxt çün

Nə qədər üzlərdə gülüş qoyub getdim 

Gülməyi öyrəndik bir yerdə lakin

Ən dərin yaraları dost bilir

Məni xatırlayın həmişə təbəsümlə

Xatırlayın hamıya dost kimi

Bu həyat sınıq bir pəncərədir

Açılan başqa bir dünyadan

Ona görə yaxşı adamlar tez

Köçür elə sən demə dünyadan

Yaşadar səni xoş xatirələr 

Düşərsən hər bir gün yada

Bir gün əlbət görüşəcəyik

Səninlə başqa bir dünyada